SEOC Iruña 2022. Kongresua topagunea izan da endodontzia, odontologia kontserbatzailea eta estetikoa diziplinak eta teknologia berriak lantzeko.
Joan den maiatzaren 12an, 13an eta 14an, Odontologia Kontserbadorearen eta Estetikaren Espainiako Elkarteak XXIV. Kongresu Nazionala eta Nazioarteko XI. Biltzarra egin zuen Iruñean.
Hizlari ugarik parte hartu zuten, arlo bakoitzeko onenak, hala nola Benjamín Martín Biedmak, Beatriz Martínek, Giuseppe Cantatorek, Ferrán Llansanak, Rafa Vilak eta Guillermo Pradíesek, besteak beste. Halaber, tailer oso praktiko batzuk egin zituzten, prestakuntzaren osagarri.
Juanjo Gaite doktoreak, SEOC 2022ko Iruñeko Batzorde Antolatzaileko presidenteak eta odontologia kontserbadoreko erreferenteetako bat denak, duela gutxi egindako elkarrizketa batean nabarmendu zuen ezen, gure herrialdean, odontologiako profesionalen maila altua egiaztatua dela, eta hori gure fakultateetako irakaskuntza-mailara helarazten dela; horregatik, kongresuan, Odontologia Kontserbadoreko Irakasleen I. Topaketa Nazionala programatu zuten. Topaketa hori SEOCen izaeratik bertatik sortutako ekimena da, eta odontologiaren arloan Espainia osoko irakasleek ezagutzak, kezkak eta irakaskuntza esperientziak partekatu eta trukatu zituzten.
Era berean, prestakuntza eskaintza hori guztia kalitate handiko gizarte-ekitaldiekin osatu zen, hala nola Nafarroako Unibertsitateko Areto Nagusian egindako harrerarekin eta Iruñeko Katedralaren klaustroan egindako gala afariarekin, elkartearen 30. urteurrenaren ospakizunaren harira (2020ko Valentziarako aurreikusitako ekitaldia, COVIDak geroratua). Ekitaldi horietan oso une berezi eta hunkigarriak bizi izan ziren, bazkide fundatzaile batzuek parte hartu zuten bideo baten emanaldiarekin.
Altsasu