Haurren Hortzak Zaintzeko Programa (HHZP) Nafarroako Osasun Zerbitzuaren ekimena da. Programaren xedea Nafarroako haurren aho-hortzetako osasuna hobetzea da, prebentzio jarduerak eginez eta oinarrizko hortz arreta doan emanez.
1991z geroztik ezarrita, txikienen aho osasuna hobetzea lortu du, eta, bereziki, txantxarra murriztea. Iortia Hortz Klinikan duela 25 urte baino gehiago hasi ginen programa hori garatzen.
Helburua da txikienak kontzientziatzea ahoko higiene-ohitura egokiak hartu beharraz, etorkizunean hortzetako osasun arazo posibleak saihesteko. Odontopediatrian dugun esperientziak haurrak pozik egotea eta dentistarengana beldurrik gabe joatea lortzen du.
Norentzat da?
Haurren hortzak zaintzeko programa hau Nafarroan bizi diren 6 eta 15 urte bitarteko haur eta gazteei zuzenduta dago.
Zer jasotzen du doan HHZP programak?
- Aho-hortzetako larrialdietako arreta.
- Hortzen aldizkako azterketak.
- Hortzak ateratzea, salbu eta ortodontzia tratamendua egin behar bada.
- Fluor topikoa, txantxarra izateko arrisku handia badago.
- Hortzen garbiketa.
- Txantxarra, enpasteak edo nerbioak hiltzea.
- Txantxarra izateko arriskua duten haginetako pitzadurak zigilatzea.
- Hortz hautsien tratamendua, istripuen edo malformazioen ondoriozkoak.
Zer ez da sartzen?
- Txantxarraren eta hausturen tratamendua “esneko hortzetan”.
- Ortodontzia tratamendua (ez erradiografiak, ez ortodontzia bidezko erauzketak, ezta tratamendu ortodontzikoari berari soilik dagokion ezer ere).
- Hortz inplanteak.
- Portzelanak.
Nola parte hartu HHZP programan?
1. Urteko onarpen-taloia izatea (ez baduzu, deitu 848 429 338 telefonora).
2. IORTIA HORTZ KLINIKAN hitzordua eskatzea.
3. ONARPEN TALOIA urte horretako lehen berrikuspenera eramatea. Egun horretan, dentistak eta haurraren arduradunak sinatu beharko dute taloia.
4. Ezin bada kontsultara joan, aldez aurretik deituko da hitzordua aldatzeko.
5. Aurreko BI urteetan HHZP erabili ez bada edo BI hitzordutan huts egiten bada jarraian eta jakinarazi gabe, dentistak Aho-hortzetako Osasun Unitatera bideratu ahal izango du pazientea, egoera erregularizatzeko.
7. Aukeratutako dentistari urte natural berean beste bisitaren bat egiten bazaio, ez da beharrezkoa izango beste Onarpen Taloi bat aurkeztea.
Jar zaitez gurekin harremanetan HHZPri buruz dituzun zalantzak argitzeko
Eskatu hitzordua gure kliniketan, eta atsegin handiz artatuko zaitugu. Zure seme-alaben irribarrea zaindu nahi dugu.
Altsasu