Haurren Hortzak Zaintzeko Programa Osasunbidea/Nafarroako Osasun Zerbitzuaren ekimena da, Nafarroako haurren aho-hortzetako osasuna hobetzeko helburua duena, prebentzio neurriak hartuz eta hortzetako oinarrizko zainketak dohainik emanez.
Zer da HHZP?
Norentzat da?
Nafarroan bizi eta 6tik 15 urte bitarte egiten dutenentzat
Zer eskaintzen da dohainik?
- Urteko azterketa
- Fluor topikoa, txantxarra izateko arrisku handia bada.
- Aho-hortzetako larrialdetako laguntza.
- Hortzak ateratzea (agindu ortodontzikoetan izan ezik)
Behin Betiko Hortz-Aginetan Bakarrik (esne-hortzetan ez):
- Txantxarra izateko arrisku handia duten haginetako artekak ixtea.
- Txantxarraren tratamendua (enpasteak, nerbioak hiltzea, koroiak…).
- Malformazioen eta istripuetan hautsitako hortzen tratamendua (berreraikuntzak, nerbioak hiltzea, koroiak…).
- Aho garbiketa.
Zer ez da eskaintzen?
- Txantxarraren eta hausturen tratamendua esne-hortzetan.
- Ortodontziako tratamendua (ez Rx ez hortzak ateratzea ortodontziagatik, ezta deus ere ortodontziako tratamenduaren ondoriozkoa denik ).
- Hortzetako inplanteak.
- Portzelanak.
Programan nola parte hartu?
- Urteko Onarpen Taloia eduki. Ez baduzu, deitu telefono honetara:(848 429 338).
- Iortia klinikan hitzordua eskatu.
- Urteko ONARPEN TALOIA eramatea aurten lehenbiziko bisitan. Egun horretan dentistak eta haurraren arduradunak sinatuko dute.
- Kontsultara joan ezinik egonez gero, aldez aurretik deitu hitzordua aldatzeko.
- Aurreko BI urteetan haurra ez bada baliatu programaz, edo segidan BI ALDIZ abisatu gabe huts eginez gero hitzordura, dentistak Aho-hortzetako Osasunaren Unitatera bidaliko du haurra, egoera normaltzeko.
- Urte naturala iragan arte ezin da dentistaz aldatu.
- Urte natural berean, aukeratutako dentistarengana berriz joateko, ez da beste onarpen-taloirik aurkeztu beharko.